O OUTONO COS CINCO SENTIDOS

O mes de novembro foi o mes estrela desta estación chea de cores, aromas e elementos naturais que espertaron un sen fin de sensacións e percepcións que non deixaron indiferentes aos nosos sentidos.

Pouco a pouco o corredor e as nosas aulas fóronse enchendo de follas, ourizos, froitos, landras cogomelos e pinabetas que fixeron posible observar moi de preto a riqueza sensorial desta estación.

Unha oportunidade para escoitar sons e observar

Explorar cores, formas, texturas e tamaños

Experimentar e crear

E ulir e saborear os froitos de tempada