Queridas familias:
Dadas as circunstancias e as medidas adoptadas o
día de onte, o Equipo de Infantil consideramos oportuno e práctico dar unha
serie de recomendacións co fin de facilitar a interrupción escolar.
Sabemos que as rutinas son a mellor vía para axudar
e transmitir tranquilidade aos nosos nenos e nenas. Se establecemos unha rutina
diaria dedicando un tempo prudencial a cada actividade, todo resultará máis sinxelo.
Estas son as nosas propostas:
- Fomento de hábitos de autonomía: vestirse/desvestirse, abotoar/desabotoar, abrochar/desabrochar, atar/desatar. En definitiva, facer tarefas da casa xuntos: poñer a mesa, axudar na cociña, recoller os xoguetes , a roupa,… fomentando a iniciativa e deixándolles facer.
- Lectura e visualización de contos (búsqueda de imaxes, cores, descrición de personaxes, escritura do título, debuxo dunha escea que lles guste etc.)
- Xogos cos nomes dos compañeiros e compañeiras (recoñecemento e escritura do nome) e/ou palabras significativas e familiares (nomes da familia, búsqueda e recoñecemento de iniciais, agrupación de nomes que comezan pola mesma letra, etc.)
- Manualidades con todo tipo de materiais: ceras, rotus, pintura de dedos, pinceis, esponxas, materiais de refugallo,…
- Xogos de mesa: puzles, ensartables, dominós sinxelos, xogos de memoria, de emparellar, xogos en familia, etc. e todos aqueles que favorecen a atención, percepción e motricidade.
- Plastilina, barro (con moldes, rodillos, tesoiras…)
- Xogo simbólico (cociña, médicos, disfraces…)
- Continuar investigando sobre o proxecto de cada nivel.
- Música, baile, cancións, adiviñas, etc.
- Xogos de vocalización, imitación, sopro, etc.
- Cociñar con eles: galletas, biscoitos, pizzas, etc.
- Falar moito con eles e elas, escoitalos e correxir con cariño a pronunciación e a construción de frases.
Páxinas de interese con actividades atractivas e educativas:
- https://www.pequeocio.com/4-juegos-memoria-imprimir-gratis/
- http://www.orientacionandujar.es (50 ideas para traballar a motricidade fina)
- Cnice.mes.es
- www.cristic.com/infantil
Nas
vindeiras semanas iremos engadindo novas propostas. Estade atentos á
información que subiremos á pa´xina web do cole. Un saúdo e moito ánimo a
todos/as
Grazas
pola vosa colaboración.
O Equipo de Infantil
